پاکستان : اندرون اور بیرون ملک فلائٹ آپریشن متاثر ، 83 پروازیں منسوخ

پاکستان بھر سے آج بھی اندرون اور بیرون ملک کی 83 پروازیں منسوخ کر دی گئیں، جبکہ 430 پروازیں شیڈول کے مطابق آپریٹ ہوئیں۔

فلائٹ شیڈول کے مطابق گزشتہ 24 گھنٹوں کے دوران کراچی سے 123، اسلام آباد سے 134 اور لاہور سے 100 پروازیں آپریٹ کی گئیں۔

اسی طرح ملتان سے 23، پشاور سے 16، سیالکوٹ سے 20، فیصل آباد سے 4 اور کوئٹہ سے 10 پروازیں روانہ ہوئیں۔

دوسری جانب مختلف ائیرپورٹس سے انتظامی وجوہات کے باعث متعدد پروازیں منسوخ کی گئیں جن میں کراچی سے 20، لاہور سے 15، اسلام آباد سے 19 اور ملتان سے 11 پروازیں شامل ہیں۔

فلائٹ شیڈول کے مطابق کوئٹہ، فیصل آباد سے 5، 5 جبکہ پشاور سے 4، سکھر اور گلگت سے 2، 2 پروازیں منسوخ ہوئیں۔

مزید بتایا گیا ہے کہ لوڈ میں کمی کے باعث جدہ کی 20 سے زائد پروازیں بھی منسوخ کی گئیں، جس سے بیرون ملک سفر کرنے والے مسافروں کو مشکلات کا سامنا کرنا پڑا۔