کوئٹہ میں ریلوے ٹریک پر خوفناک دھماکہ، 25 افراد جاں بحق، درجنوں زخمی

کوئٹہ میں چمن پھاٹک کے قریب ریلوے ٹریک پر خوفناک دھماکے کے نتیجے میں 25 افراد شہید اور 53 زخمی ہو گئے۔
پولیس کے مطابق دھماکہ ریلوے ٹریک کے قریب پیش آیا جس کے باعث علاقے میں شدید خوف و ہراس پھیل گیا۔
ریسکیو ذرائع کا کہنا ہے کہ دھماکے کے فوری بعد 25 لاشیں سول ہسپتال کوئٹہ منتقل کر دی گئی ہیں جبکہ زخمیوں کو فوری طور پر قریبی اسپتالوں میں منتقل کیا گیا ہے۔
حکام کے مطابق دھماکے کے باعث ٹریک کے اطراف کھڑی گاڑیوں کو بھی شدید نقصان پہنچا ہے۔
ریسکیو اہلکاروں اور طبی عملے نے امدادی کارروائیاں شروع کر دیں جبکہ زخمیوں میں بڑی تعداد خواتین اور بچوں کی بھی شامل ہے۔
ذرائع کے مطابق متاثرہ افراد عید کی چھٹیاں منانے کے لیے مختلف علاقوں کی جانب سفر کر رہے تھے۔