لاہور میں شدید گرمی برقرار، محکمہ موسمیات کی بارش سے متعلق اہم پیشگوئی

لاہور میں گرمی کی شدت برقرار ہے جبکہ محکمہ موسمیات نے شہر میں ہلکی بارش اور بادل چھائے رہنے کی پیشگوئی کی ہے۔

محکمہ موسمیات کے مطابق لاہور سمیت پنجاب کے مختلف علاقوں میں بارش برسانے والا موسمی سسٹم اور تیز ہواؤں کا سلسلہ تاحال موجود ہے، تاہم گرمی کی شدت میں فوری طور پر نمایاں کمی متوقع نہیں۔

ماہرین موسمیات کا کہنا ہے کہ لاہور میں دن کے اوقات میں شدید گرمی برقرار رہے گی جبکہ سہ پہر کے بعد بادل چھانے اور بعض علاقوں میں ہلکی بارش یا بوندا باندی کا امکان ہے۔

محکمہ موسمیات کے مطابق شہر میں کم سے کم درجہ حرارت 28 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 42 ڈگری سینٹی گریڈ تک جانے کا امکان ظاہر کیا گیا ہے۔

ماہرین کے مطابق موجودہ موسمی سسٹم رات کے وقت ملک سے نکل جائے گا، تاہم اس دوران وقفے وقفے سے بادلوں کی موجودگی برقرار رہ سکتی ہے۔

شہریوں کو ہدایت کی گئی ہے کہ شدید گرمی کے دوران احتیاطی تدابیر اختیار کریں اور غیر ضروری طور پر دھوپ میں نکلنے سے گریز کریں۔