LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

بغیر کسی ایڈوانس کے خواتین کو پنک سکوٹیز دے رہے ہیں، شرجیل میمن

Web Desk

23 May 2026

سندھ کے سینئر صوبائی وزیر شرجیل انعام میمن نے اعلان کیا ہے کہ سندھ حکومت صوبے کی خواتین کو بااختیار بنانے اور ان کی سفری مشکلات کو مستقل بنیادوں پر حل کرنے کے لیے بغیر کسی ایڈوانس یا پوشیدہ چارجز کے بالکل مفت ”پنک الیکٹرک اسکوٹیز“ فراہم کر رہی ہے۔ حیدرآباد میں منعقدہ ایک پروقار تقریب سے خطاب کرتے ہوئے صوبائی وزیر کا کہنا تھا کہ اس انقلابی منصوبے کے تحت یہ جدید الیکٹرک اسکوٹرز بنیادی طور پر جامعات کی طالبات اور مختلف شعبوں سے تعلق رکھنے والی ملازمت پیشہ خواتین کو دیے جا رہے ہیں تاکہ وہ کسی بھی محتاجی کے بغیر باعزت طریقے سے اپنی آمد و رفت کو ممکن بنا سکیں۔

صوبائی وزیر نے اسکیم کی شفافیت پر روشنی ڈالتے ہوئے بتایا کہ جن خواتین کو یہ پنک اسکوٹیز فراہم کی جا رہی ہیں، وہ پہلے ہی حکومت کے زیرِ اہتمام خصوصی ڈرائیونگ کورس مکمل کر چکی ہیں اور ان کے پاس باقاعدہ قانونی ڈرائیونگ لائسنس بھی موجود ہے، جس کا مقصد سڑکوں پر ان کی حفاظت کو یقینی بنانا ہے۔ انہوں نے پریس کانفرنس کے دوران اصرار کیا کہ وہ حلفیہ یہ بات کہتے ہیں کہ میرٹ پر منتخب ہونے والی ان خواتین کو وہ ذاتی طور پر بالکل نہیں جانتے اور نہ ہی اس سرکاری ریلیف کے بدلے ان سے یا ان کے خاندانوں سے مستقبل میں کسی قسم کا سیاسی فائدہ یا ووٹ مانگا جائے گا۔

شرجیل انعام میمن نے مزید دعویٰ کیا کہ یہ سندھ حکومت کا ایک ایسا اچھوتا اور تاریخی فلاحی منصوبہ ہے جس کی مثال خطے میں نہیں ملتی، اور پوری دنیا میں سندھ واحد صوبہ ہے جہاں حکومت اپنے وسائل سے خواتین کی سماجی و معاشی خودمختاری کے لیے اس نوعیت کی مفت پنک الیکٹرک اسکوٹیز تقسیم کر رہی ہے۔ معاشی و سماجی حلقوں نے حکومتِ سندھ کے اس اقدام کو سراہتے ہوئے امید ظاہر کی ہے کہ اس سے پبلک ٹرانسپورٹ کے مسائل سے دوچار خواتین کو روزمرہ فرائض کی ادائیگی میں بڑی آسانی پیدا ہوگی