LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

آئی ایس پی آر کے زیراہتمام نیشنل سکیورٹی ورکشاپ، اساتذہ کی شرکت

Web Desk

23 May 2026

پاک فوج کے شعبۂ تعلقاتِ عامہ (ISPR) کے زیرِ اہتمام ایک خصوصی “نیشنل سکیورٹی اینڈ سٹریٹجک لیڈر شپ 2026ء” ورکشاپ کا انعقاد کیا گیا، جس کا بنیادی مقصد قومی سلامتی اور تذویراتی امور پر اعلیٰ تعلیمی قیادت کو اعتماد میں لینا تھا۔ اس اہم ترین قومی ورکشاپ میں ملک بھر کی 200 سے زائد سرکاری و نجی جامعات کے وائس چانسلرز، رجسٹرارز، ڈینز اور سینئر ترین پروفیسرز نے بھرپور شرکت کی، جو ملکی تعلیمی اور اسٹریٹجک حلقوں کے مابین گہرے روابط کی عکاسی کرتا ہے۔

ورکشاپ کے دوران ایک خصوصی اور انتہائی اہم نشست کا انعقاد کیا گیا، جس کی صدارت لیفٹیننٹ جنرل ریٹائرڈ عامر ریاض، ہلالِ امتیاز (ملٹری) نے کی۔ انہوں نے شرکاء کے ساتھ اپنے طویل فوجی و سیکیورٹی تجربات کی روشنی میں پڑوسی ملک بھارت کی موجودہ سیاسی و نظریاتی صورتحال پر سیرحاصل گفتگو کی۔ نشست کے دوران بھارت میں ہندوتوا (Hindutva) سے متاثرہ انتہا پسندانہ سیاست، اس کے تذویراتی رجحانات (Strategic Trends) اور خطے کی سلامتی پر پڑنے والے گہرے نظریاتی اثرات کا باریک بینی سے تفصیلی جائزہ لیا گیا۔

لیفٹیننٹ جنرل (ر) عامر ریاض نے اعلیٰ تعلیمی قیادت سے خطاب کرتے ہوئے موجودہ بھارتی منظرنامے پر شدید تشویش کا اظہار کیا۔ انہوں نے واضح کیا کہ بھارت میں سیکیولرازم کا جنازہ نکل چکا ہے اور وہاں بسنے والی اقلیتوں، بالخصوص مسلمانوں پر جاری انسانیت سوز مظالم اب روز کا معمول بنتے جا رہے ہیں۔ انہوں نے مزید کہا کہ تشویشناک امر یہ ہے کہ ان پرتشدد واقعات کو ناصرف مودی حکومت کی پشت پناہی حاصل ہے بلکہ بھارتی عدالتی نظام بھی اب ان انتہا پسند عناصر کو کھلی چھوٹ اور سرپرستی فراہم کر رہا ہے، جو عالمی امن اور خاص طور پر جنوبی ایشیا کے استحکام کے لیے ایک مہیب خطرہ ہے۔