لاہور: لیگی ایم پی اے ثاقب چدھڑ پر ہراسانی کا الزام، اداکارہ مومنہ اقبال تفتیشی ادارے میں پیش

لاہور میں مسلم لیگ (ن) سے تعلق رکھنے والے رکن صوبائی اسمبلی ثاقب چدھڑ پر ہراسانی کا الزام سامنے آیا ہے۔

اس سلسلے میں اداکارہ مومنہ اقبال اپنے وکیل کے ہمراہ قومی سائبر کرائم تحقیقاتی ادارے کے دفتر میں پیش ہوئیں۔

مومنہ اقبال نے تفتیشی افسران کے سامنے ہراسانی سے متعلق شواہد اور تفصیلات فراہم کر دیں، جس پر حکام کی جانب سے ان سے مختلف پہلوؤں پر سوالات بھی کیے گئے۔

ذرائع کے مطابق تفتیشی عملے کی جانب سے پیش کیے گئے شواہد کے حوالے سے مزید تفصیلی پوچھ گچھ جاری ہے تاکہ معاملے کی مکمل حقیقت سامنے لائی جا سکے۔

دوسری جانب مومنہ اقبال نے میڈیا کے سامنے آنے سے گریز کرتے ہوئے ادارے کے دفتر کا عقبی راستہ اختیار کیا۔

ادھر مذکورہ رکن صوبائی اسمبلی تاحال تفتیشی ادارے میں پیش نہیں ہوئے، جبکہ انہیں آج دوپہر ایک بجے طلب کیا گیا تھا۔