LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

متحدہ عرب امارات سے 3,494 پاکستانی ڈی پورٹ ہوئے، بیشتر جرائم یا غیر قانونی قیام کے باعث نکالے گئے؛ وفاقی وزیر

Web Desk

21 May 2026

متحدہ عرب امارات (UAE) سے پاکستانیوں کی بڑے پیمانے پر بے دخلی کے حوالے سے سینیٹ میں پیش کیے گئے توجہ دلاؤ نوٹس پر وفاقی حکومت کی جانب سے باقاعدہ مؤقف سامنے آ گیا ہے۔ قائدِ حزبِ اختلاف علامہ راجہ ناصر عباس کے نوٹس کا جواب دیتے ہوئے وفاقی وزیر طارق فضل چوہدری نے ایوان کو اصل حقائق اور سرکاری اعدادوشمار سے آگاہ کیا۔

وفاقی وزیر طارق فضل چوہدری نے معاملے کی حساسیت کو تسلیم کرتے ہوئے کہا کہ واقعی یہ ایک انتہائی اہم اور سنجیدہ معاملہ ہے، جس پر وزارتِ خارجہ سے مکمل اور تفصیلی اعدادوشمار طلب کر کے جلد ایوان کے سامنے پیش کیے جائیں گے۔ انہوں نے واضح کیا کہ پاکستان اور متحدہ عرب امارات کے مابین تاریخی اور بہترین برادرانہ روابط قائم ہیں اور اس وقت بھی پاکستانی مزدوروں اور پیشہ ور افراد کی ایک بہت بڑی تعداد وہاں امن و امان کے ساتھ مقیم اور برسرِ روزگار ہے۔

حکومت کے پاس موجود حالیہ اطلاعات اور سرکاری ڈیٹا کا حوالہ دیتے ہوئے وفاقی وزیر نے انکشاف کیا کہ اب تک مجموعی طور پر 3 ہزار 4 سو 94 (3,494) پاکستانیوں کو یو اے ای سے ڈی پورٹ (Deport) کیا گیا ہے۔ انہوں نے وضاحت کی کہ جو پاکستانی شہری قانونی دستاویزات اور ورک ویزا رکھتے ہیں، وہ وہاں باقاعدہ اور بغیر کسی رکاوٹ کے کام کر رہے ہیں۔ اماراتی قوانین کے مطابق، اگر کوئی شخص وہاں غیر قانونی طور پر مقیم پایا جاتا ہے تو اس کے بارے میں وہاں کا محکمہ امیگریشن پاکستانی سفارت خانے کو لازمی آگاہ کرتا ہے۔

طارق فضل چوہدری نے ڈی پورٹ کیے جانے والے افراد کی وجوہات بتاتے ہوئے کہا کہ نکالے گئے افراد میں سے کچھ لوگ ایسے تھے جو وہاں سنگین یا معمولی جرائم میں ملوث پائے گئے تھے، جس کے باعث انہیں قانون کے مطابق ڈی پورٹ کیا گیا، جبکہ کچھ لوگ خطے کے حالیہ معاشی حالات اور ملازمتیں ختم ہونے کی وجہ سے اپنی نوکریاں گنوا بیٹھے اور ویزا کی مدت ختم ہونے پر وطن واپس آئے۔ انہوں نے اس بات پر افسوس کا اظہار کیا کہ ہمارے ہاں سوشل میڈیا پر بغیر تحقیق کے ایسے معاملات کو بلاوجہ اچھالا جاتا ہے جس سے سفارتی تعلقات متاثر ہونے کا خدشہ ہوتا ہے۔

دورانِ گفتگو وفاقی وزیر نے خطے کی سکیورٹی صورتحال پر ایک اور افسوسناک خبر دیتے ہوئے بتایا کہ حالیہ ایران امریکہ تنازع اور فوجی کارروائیوں کی زد میں آ کر اب تک چار (4) معصوم پاکستانی شہری شہید جبکہ ستائیس (27) شدید زخمی ہوئے ہیں، جنہیں سفارتی سطح پر ہر ممکن امداد فراہم کی جا رہی ہے۔