LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

متحدہ عرب امارات سے پاکستانیوں کی بے دخلی؛ سینیٹ میں قائدِ حزبِ اختلاف علامہ راجہ ناصر عباس کا توجہ دلاؤ نوٹس

Web Desk

21 May 2026

متحدہ عرب امارات (UAE) سے ہزاروں کی تعداد میں پاکستانی شہریوں کی اچانک بے دخلی اور ان کے اثاثے وہیں رہ جانے کے حساس معاملے پر سینیٹ آف پاکستان میں آواز اٹھا دی گئی ہے۔ ایوانِ بالا میں قائدِ حزبِ اختلاف سینیٹر علامہ راجہ ناصر عباس نے اس اہم ترین قومی مسئلے پر ایک باقاعدہ ‘توجہ دلاؤ نوٹس’ (Calling Attention Notice) پیش کیا۔

توجہ دلاؤ نوٹس پر اظہارِ خیال کرتے ہوئے سینیٹر علامہ راجہ ناصر عباس نے ایوان کو بتایا کہ متحدہ عرب امارات کی حکومت کی جانب سے حالیہ دنوں میں ہزاروں سمندر پار پاکستانیوں کو ہنگامی طور پر بے دخل کیا گیا ہے، جس کے باعث وہاں مقیم پاکستانی کمیونٹی شدید مشکلات اور بحران کا شکار ہو چکی ہے۔ انہوں نے تشویش کا اظہار کرتے ہوئے کہا کہ جن افراد کو اچانک یو اے ای سے نکالا گیا، ان کی برسوں کی محنت کی کمائی اور بڑی سرمایہ کاری وہیں پھنس کر رہ گئی ہے، جس سے انہیں شدید مالی نقصان کا سامنا ہے۔

اپنے خطاب میں قائدِ حزبِ اختلاف نے وفاقی حکومت سے پرزور مطالبہ کیا کہ وہ اس سنگین معاملے پر فوری طور پر متحرک ہو اور سفارتی سطح (Diplomatic Level) پر اماراتی حکام کے ساتھ اس مسئلے کو ترجیحی بنیادوں پر اٹھائے۔ انہوں نے مطالبہ کیا کہ پاکستان کا دفترِ خارجہ یو اے ای حکومت سے بات کرے تاکہ بے دخل کیے جانے والے پاکستانیوں کو کم از کم مناسب وقت (Grace Period) دیا جائے، جس کے دوران وہ وہاں اپنے کاروباری معاملات، جائیدادوں کی فروخت اور دیگر مالی حسابات کو قانونی طریقے سے حل کر سکیں اور اپنی جمع پونجی باآسانی پاکستان منتقل کر سکیں۔

سینیٹر راجہ ناصر عباس نے حکومتِ وقت پر زور دیا کہ صرف سفارتی بیانات پر اکتفا نہ کیا جائے بلکہ زمین پر مؤثر اور عملی اقدامات نظر آنے چاہئیں۔ اس کے ساتھ ہی انہوں نے ایک اور اہم انسانی پہلو کو اجاگر کرتے ہوئے مطالبہ کیا کہ متحدہ عرب امارات کی مختلف جیلوں میں قید پاکستانی شہریوں کا ڈیٹا اکٹھا کیا جائے اور ان کی رہائی یا سزا میں تخفیف کے لیے سفارت خانے کے ذریعے بھرپور قانونی معاونت (Legal Assistance) فراہم کی جائے۔ اماراتی قوانین اور پاکستانی لیبر فورس کے حوالے سے سینیٹ میں اٹھائے گئے اس نوٹس پر ارکانِ ایوان نے حکومت سے جواب طلب کر لیا ہے۔