پی ٹی آئی ارکان اسمبلی و رہنما 23 جولائی تک گرفتار نہ کرنے کا حکم
Web Desk
21 May 2026
اسلام آباد کی انسدادِ دہشت گردی عدالت (ATC) نے مختلف احتجاجی مظاہروں اور ہنگامہ آرائی کے مقدمات میں پاکستان تحریک انصاف (پی ٹی آئی) کے ارکانِ قومی و صوبائی اسمبلی اور مرکزی رہنماؤں کو 23 جولائی تک گرفتار نہ کرنے کا حکم جاری کر دیا ہے۔ عدالت نے تمام نامزد رہنماؤں کی ضمانت قبل از گرفتاری میں 23 جولائی تک کی عارضی توسیع منظور کر لی ہے۔
تفصیلات کے مطابق، انسدادِ دہشت گردی عدالت اسلام آباد میں پی ٹی آئی رہنماؤں کے خلاف 26 نومبر کے احتجاج، سپریم کورٹ کے باہر مظاہرے اور دیگر سیاسی تحریکوں کے دوران درج ہونے والے مختلف مقدمات میں دائر 243 ضمانت کی درخواستوں پر مشترکہ سماعت ہوئی۔ کیس کی سماعت انسدادِ دہشت گردی عدالت کے جج ابوالحسنات محمد ذوالقرنین نے کی۔
سماعت کے موقع پر پی ٹی آئی کے متعدد مرکزی رہنما اور اراکینِ پارلیمنٹ عدالت کے روبرو پیش ہوئے۔ پیش ہونے والوں میں پارٹی کے چیئرمین بیرسٹر گوہر علی خان، ایم این ایز عمیر نیازی، سردار لطیف خان کھوسہ، جنید اکبر، ارباب شیر علی، ساجد خان مہمند، اور سینیٹر فلک ناز چترالی شامل تھے۔ ان کے علاوہ خرم شیر زمان، راجہ بشارت، رؤف حسن، نیاز اللہ نیازی، سابق وزیراعظم آزاد کشمیر سردار عبدالقیوم نیازی، سیمابیہ طاہر، نادیہ خٹک اور میجر (ر) طاہر صادق سمیت دیگر رہنما بھی عدالت میں حاضر ہوئے۔
دورانِ سماعت عدالت نے فریقین کے ابتدائی دلائل سننے کے بعد تمام متعلقہ پی ٹی آئی رہنماؤں کو ریلیف فراہم کیا اور پولیس کو ہدایت کی کہ انہیں 23 جولائی تک گرفتار نہ کیا جائے۔ واضح رہے کہ پی ٹی آئی کی اس اعلیٰ قیادت اور کارکنوں کے خلاف وفاقی دارالحکومت کے مختلف تھانوں بشمول تھانہ کوہسار، کھنہ، ترنول، کراچی کمپنی اور تھانہ سیکرٹریٹ میں دفعات اور انسدادِ دہشت گردی ایکٹ کے تحت متعدد مقدمات درج ہیں۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026