منتخب نمائندوں پر گولیاں چلائی گئیں، کے پی کے عوام کو دیوار سے نہ لگایا جائے؛ وزیر اعلیٰ سہیل آفریدی
Web Desk
20 May 2026
وزیر اعلیٰ خیبر پختونخوا سہیل آفریدی نے اسلام آباد میں پی ٹی آئی کے پرامن احتجاج پر پولیس کریک ڈاؤن کی شدید الفاظ میں مذمت کرتے ہوئے وفاقی حکومت کو سخت آڑے ہاتھوں لیا ہے۔ پشاور میں اہم پریس کانفرنس کرتے ہوئے انہوں نے کہا کہ ہم جب اسلام آباد پہنچے تو اسلام آباد پولیس نے خود اینٹی ٹیررسٹ اسکواڈ کھڑا کیا ہوا تھا، حالانکہ ہم وہاں صرف اور صرف اپنے بانی پی ٹی آئی سے اظہارِ یکجہتی کے لیے جا رہے تھے۔ وفاقی حکمران اس قدر خوفزدہ تھے کہ انہوں نے خود اسلام آباد کی مرکزی شاہراہوں کو بند کر کے 10 گھنٹے تک عوام کو شدید مشکل میں ڈالے رکھا۔
وزیر اعلیٰ سہیل آفریدی نے وفاق کے رویے پر برہمی کا اظہار کرتے ہوئے کہا کہ میں 4 کروڑ عوام والے صوبے کا چیف ایگزیکٹو ہوں، اور میرے ساتھ صوبے کے معزز ممبرانِ صوبائی اسمبلی موجود تھے۔ اس کے باوجود منتخب نمائندوں کو ڈنڈے دکھائے گئے، ہمارے اوپر برسانے کے لیے ربڑ کی گولیاں استعمال کی گئیں اور یہاں تک کہ ایم پی ایز پر سیدھی گولیاں چلائی گئیں جس سے پی ٹی آئی کے کئی کارکنوں کو گولیاں لگیں۔ انہوں نے خبردار کیا کہ خیبر پختونخوا کی عوام یہ سب دیکھ رہی ہے، ہمارے صوبے کو حقوق سے محروم رکھا جا رہا ہے اور کے پی کے عوام کو دیوار سے لگانے کی کوشش کی جا رہی ہے جس سے ملک کا نقصان ہو رہا ہے، ملک میں نفرتیں نہیں بڑھنی چاہئیں۔
سہیل آفریدی نے ملک کی مجموعی صورتحال اور پارٹی کے مطالبات کا ذکر کرتے ہوئے کہا کہ ہمارا ایک ہی بنیادی مطالبہ تھا کہ بانی پی ٹی آئی کا علاج ان کے اہل خانہ کی موجودگی میں الشفاء انٹرنیشنل ہسپتال میں ہونا چاہیے، اور پوری قوم چاہتی ہے کہ انہیں ان کے ذاتی معالج تک فوری رسائی دی جائے۔ انہوں نے معیشت پر بات کرتے ہوئے کہا کہ پاکستان ہمارا ملک ہے اور یہاں کی قوم ایک خوددار قوم ہے، لیکن پی ٹی آئی کی حکومت کو سازش کے تحت گرایا گیا جس کے بعد ملکی معیشت تباہ ہو گئی اور آج پاکستان میں غربت کی شرح 45 فیصد تک جا پہنچی ہے۔ انہوں نے افسوس کا اظہار کیا کہ اس وقت ملک میں نہ صحافی محفوظ ہیں اور نہ ہی جج محفوظ ہیں۔ ہمارا صوبہ ملک کے لیے سب سے سستی بجلی پیدا کر رہا ہے، اس لیے وفاق کو اپنے رویے پر نظرثانی کرنی ہوگی۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026