سزا معطلی کی درخواستیں جلد مقرر کرنے کی استدعا: اسلام آباد ہائیکورٹ کا ریاست کو نوٹس جاری، سماعت عید کے بعد تک ملتوی
Web Desk
20 May 2026
اسلام آباد: اسلام آباد ہائیکورٹ نے معروف قانون دان اور انسانی حقوق کی سرگرم کارکن ایمان مزاری اور ہادی علی چٹھہ کی سزا معطلی کی درخواستیں جلد سماعت کے لیے مقرر کرنے کی متفرق درخواستوں پر سماعت کرتے ہوئے اسٹیٹ (ریاست) کو باقاعدہ نوٹس جاری کر دیا ہے۔
کیس کی سماعت اسلام آباد ہائیکورٹ کے جسٹس محمد اعظم خان نے کی۔ سماعت کے دوران فاضل جج نے ریمارکس دیے کہ “ہم نوٹس جاری کر رہے ہیں، دوسرے فریق کو بھی سن لیتے ہیں”۔
دورانِ سماعت ایمان مزاری اور ہادی علی چٹھہ کے وکیل فیصل صدیقی ایڈووکیٹ نے عدالت سے استدعا کی کہ “کیس کو پیر کے روز سماعت کے لیے رکھ لیں”۔ اس پر جسٹس محمد اعظم خان نے جواب دیا کہ “پیر کو عید سے پہلے آخری ورکنگ ڈے ہے، اس دن کیس نہیں رکھ سکتے”۔
وکیل صفائی فیصل صدیقی نے عدالت کو یقین دہانی کراتے ہوئے کہا کہ “آپ پیر کو ہی کیس رکھ دیں، اگر دوسرا فریق آ کر التوا مانگتا ہے تو ہمیں کوئی اعتراض نہیں ہوگا”۔ تاہم، جسٹس اعظم خان نے ریمارکس دیے کہ “ہم کیس کو عید کے بعد پہلے ورکنگ ڈے پر رکھ رہے ہیں، اب آپ کی قسمت ہی ایسی ہے تو میں کیا کروں؟”
اس موقع پر عدالت میں موجود ریاست علی آزاد ایڈووکیٹ نے بھی بیچ بچاؤ کراتے ہوئے کہا کہ “دونوں وکلا ہماری بار کے معزز ممبران ہیں، اس لیے کیس پیر کے لیے ہی رکھ لیں”۔ جس پر معزز جج نے کہا کہ “میں دیکھ لیتا ہوں کہ پیر کو ہمارے پاس کون سے کیسز موجود ہیں”۔
بعد ازاں، وکیل فیصل صدیقی ایڈووکیٹ نے عدالت کے مؤقف سے اتفاق کرتے ہوئے کہا کہ “پھر آپ عید کے بعد پہلا ورکنگ ڈے ہی رکھ دیں”۔ اسلام آباد ہائیکورٹ نے فریقین کے دلائل سننے اور نوٹس جاری کرنے کے بعد کیس کی مزید سماعت عید کے بعد تک کے لیے ملتوی کر دی۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026