LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

پاکستان سمیت 10 ممالک کی گلوبل صمود فوٹیلا پر اسرائیلی حملے کی مذمت

Web Desk

19 May 2026

اسلام آباد: پاکستان سمیت دنیا کے 10 ممالک نے غزہ کے محصور شہریوں کے لیے انسانی امداد لے جانے والے پُرامن بحری قافلے “گلوبل صمود فلوٹیلا” پر اسرائیلی حملوں اور امدادی کارکنوں کی گرفتاری کی شدید ترین الفاظ میں مذمت کی ہے۔ ترجمان دفترِ خارجہ کے مطابق اس مشترکہ مذمتی اعلامیے پر پاکستان، ترکیہ، بنگلہ دیش، برازیل، کولمبیا، انڈونیشیا، اردن، لیبیا، مالدیپ اور سپین کے وزرائے خارجہ نے دستخط کیے ہیں۔ وزرائے خارجہ نے اپنے بیان میں واضح کیا کہ ‘گلوبل صمود فلوٹیلا’ ایک مکمل پُرامن شہری اور انسانی ہمدردی پر مبنی اقدام تھا، جس کا واحد مقصد فلسطینی عوام کی سنگین انسانی مشکلات کی جانب عالمی توجہ مبذول کروانا ہے۔

مشترکہ بیان میں بین الاقوامی پانیوں میں شہری کشتیوں اور انسانی حقوق کے کارکنوں کو مسلسل نشانہ بنانے والے اسرائیلی اقدامات پر گہری تشویش کا اظہار کیا گیا ہے۔ وزرائے خارجہ نے کہا کہ پُرامن امدادی مشنز پر حملے اور کارکنوں کی من مانی گرفتاریاں بین الاقوامی قانون، بین الاقوامی انسانی قانون اور آزادیٔ جہاز رانی کے اصولوں کی کھلی خلاف ورزی ہیں۔ اعلامیے میں اسرائیل سے مطالبہ کیا گیا ہے کہ گرفتار کیے گئے تمام امدادی کارکنوں کو فوری طور پر رہا کیا جائے اور ان کے حقوق و وقار کا مکمل احترام یقینی بنایا جائے۔ دس ممالک کے وزرائے خارجہ نے عالمی برادری پر زور دیا ہے کہ وہ اپنی قانونی اور اخلاقی ذمہ داریاں پوری کرتے ہوئے شہریوں اور امدادی مشنز کے تحفظ کو یقینی بنائے، اور اسرائیل کے سزا سے استثنیٰ کا خاتمہ کر کے ان خلاف ورزیوں پر سخت احتساب کیا جائے۔