سی این جی بندش: وزیراعلیٰ کے پی کا وزیراعظم کو فوری گیس بحالی کیلئے خط
Web Desk
18 May 2026
وزیراعلیٰ خیبر پختونخوا محمد سہیل آفریدی نے صوبے میں سی این جی (CNG) سیکٹر کو گیس کی فراہمی پر عائد طویل معطلی اور بندش کے خلاف سخت مؤقف اختیار کرتے ہوئے وزیراعظم پاکستان کو ایک باضابطہ اور ہنگامی خط لکھ دیا ہے۔ خط میں وفاقی حکومت سے مطالبہ کیا گیا ہے کہ خیبر پختونخوا کے گیس صارفین اور کاروباری طبقے کا یہ دیرینہ مسئلہ فوری طور پر حل کیا جائے۔وزیراعلیٰ خیبر پختونخوا نے اپنے خط میں واضح الفاظ میں لکھا ہے کہ خیبر پختونخوا ملک میں قدرتی گیس پیدا کرنے والا ایک بڑا اور کلیدی صوبہ ہے، لہذا اسے اس کے آئینی و قانونی حق سے کسی صورت محروم نہ کیا جائے۔ صوبے کے گیس ڈیٹا کی تفصیلات بتاتے ہوئے انہوں نے خط میں تحریر کیا کہ:
خیبر پختونخوا روزانہ تقریباً 494 ایم ایم سی ایف ڈی (MMCFD) قدرتی گیس پیدا کرتا ہے۔اس کے مقابلے میں پورے صوبے کا کُل استعمال صرف 120 ایم ایم سی ایف ڈی ہے۔صوبے کے پورے سی این جی سیکٹر کو چلانے کے لیے محض 36 سے 40 ایم ایم سی ایف ڈی گیس درکار ہے، جسے وفاق نے یہاں سے بند کر کے کھاد (Fertilizer) کے شعبے کو منتقل کر دیا ہے، جو کہ سراسر ناانصافی ہے۔ خط میں آئینِ پاکستان کا حوالہ دیتے ہوئے کہا گیا ہے کہ آئین کے آرٹیکل 158 کے تحت جس صوبے سے گیس پیدا ہوتی ہے، اسی صوبے کے عوام اور صنعتوں کو اس گیس کے استعمال کا پہلا حق حاصل ہے۔ وزیراعلیٰ نے یاد دہانی کروائی کہ پشاور ہائیکورٹ بھی صوبے میں سی این جی اسٹیشنز کی اس طرح اچانک بندش کو غیر قانونی اور غیر منصفانہ قرار دے چکی ہے۔محمد سہیل آفریدی نے خط میں خبردار کیا ہے کہ سی این جی سیکٹر کو گیس کی بندش سے صوبے بھر میں شدید عوامی بے چینی پھیل رہی ہے، جس سے امن و امان (Law and Order) کے مسائل پیدا ہونے کا سنگین خدشہ ہے۔ سی این جی کی بندش سے جہاں ایک طرف ہزاروں دیہاڑی دار افراد اور ملازمین کا روزگار متاثر ہو رہا ہے، وہیں دوسری طرف صوبے کا پبلک ٹرانسپورٹ سیکٹر، جو بڑی حد تک سی این جی پر انحصار کرتا ہے، شدید بحران کا شکار ہے۔ گیس کی عدم دستیابی کے باعث ٹرانسپورٹرز مہنگا ایندھن (پٹرول و ڈیزل) استعمال کرنے پر مجبور ہیں، جس کا سارا اضافی بوجھ غریب عوام کی جیب پر کرایوں کی شکل میں پڑ رہا ہے۔وزیراعلیٰ خیبر پختونخوا نے وزیراعظم سے پرزور درخواست کی ہے کہ وہ سی این جی سیکٹر کو گیس کی فراہمی فوری بحال کرانے کے لیے ذاتی طور پر مداخلت کریں۔ اس کے ساتھ ہی انہوں نے مطالبہ کیا کہ اس اہم آئینی تنازعے کے مستقل حل کے لیے مشترکہ مفادات کونسل (CCI) کا اجلاس فوری طور پر بلایا جائے اور خیبر پختونخوا کے سی این جی سیکٹر کو گیس کی فراہمی کا یہ معاملہ باقاعدہ طور پر اس کے ایجنڈے میں شامل کیا جائے۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026