شہباز شریف اور قطری وزیراعظم کے درمیان ٹیلی فونک رابطہ، علاقائی صورتحال پر تبادلہ خیال

اسلام آباد: وزیراعظم شہباز شریف اور قطر کے وزیراعظم کے درمیان ٹیلی فونک رابطہ ہوا جس میں دونوں رہنماؤں نے خوشگوار اور دوستانہ ماحول میں گفتگو کی۔

گفتگو کے دوران علاقائی اور بین الاقوامی صورتحال پر تفصیلی تبادلہ خیال کیا گیا جبکہ باہمی دلچسپی کے امور بھی زیر غور آئے۔

وزیراعظم نے خطے میں قطر کے تعمیری سفارتی کردار اور جاری ثالثی کوششوں کو سراہا۔

دونوں رہنماؤں نے اس بات پر اتفاق کیا کہ مشترکہ چیلنجز سے نمٹنے کے لیے مسلسل رابطہ اور قریبی مشاورت ضروری ہے، جبکہ اعلیٰ سطح روابط کو باقاعدگی سے جاری رکھنے پر بھی اتفاق کیا گیا۔

وزیراعظم نے قطر کے امیر شیخ تمیم بن حمد الثانی کے لیے نیک تمناؤں کا اظہار کرتے ہوئے کہا کہ وہ امیر قطر کے آئندہ سرکاری دورہ پاکستان کے منتظر ہیں۔