محسن نقوی اور ایرانی صدر مسعود پزشکیان کی 90 منٹ طویل ملاقات، دوطرفہ تعلقات پر گفتگو

تہران: پاکستان کے وزیر داخلہ محسن نقوی اور ایرانی صدر مسعود پزشکیان کے درمیان 90 منٹ طویل ملاقات ہوئی، جس میں دوطرفہ تعلقات اور علاقائی امور پر تفصیلی تبادلہ خیال کیا گیا۔

ایرانی میڈیا رپورٹ کے مطابق یہ ملاقات تہران میں ایرانی صدارتی محل میں منعقد ہوئی، جہاں دونوں رہنماؤں نے باہمی دلچسپی کے امور پر بات چیت کی۔

ملاقات میں علاقائی امن، استحکام اور سفارتی روابط کو مزید مضبوط بنانے کے امکانات پر بھی غور کیا گیا۔

اس موقع پر ایرانی وزیر خارجہ اور وزیر داخلہ بھی موجود تھے، جنہوں نے مذاکرات میں شرکت کی۔

دونوں رہنماؤں نے خطے میں تعاون اور ہم آہنگی بڑھانے کی ضرورت پر اتفاق کیا۔