پاکستان میں ذوالحجہ کا چاند نظر آگیا، عیدالاضحی 27 مئی بروز بدھ کو ہوگی

 چیئرمین مرکزی رویت ہلال کمیٹی مولانا عبدالخبیر آزاد نے ملک میں ذوالحجہ کا چاند نظر آنے کا اعلان کرتے ہوئے کہا ہے کہ پاکستان میں عیدالاضحیٰ 27 مئی کو منائی جائے گی۔

مرکزی رویت ہلال کمیٹی کا اجلاس کراچی میں منعقد ہوا جس کی صدارت چیئرمین مولانا عبدالخبیر آزاد نے کی۔

اجلاس میں مرکزی و زونل رویت ہلال کمیٹی کے ارکان کے ساتھ ساتھ محکمہ موسمیات اور سپارکو کے ماہرین نے بھی شرکت کی اور چاند کی رویت سے متعلق صورتحال کا جائزہ لیا۔

اسی طرح اسلام آباد اور صوبائی دارالحکومتوں میں بھی زونل رویت ہلال کمیٹیوں کے اجلاس منعقد ہوئے۔

دوسری جانب سعودی عرب میں بھی ذوالحجہ کا چاند نظر آنے کی تصدیق ہو گئی ہے۔

اعلان کے مطابق یکم ذوالحجہ 18 مئی بروز سوموار کو ہوگی۔

مناسک حج کا اہم ترین رکن وقوف عرفہ 26 مئی بروز منگل ادا کیا جائے گا جبکہ عیدالاضحیٰ 27 مئی بروز بدھ منائی جائے گی۔