پی ٹی آئی آزاد کشمیر کی رجسٹریشن مسترد، تحریک انصاف نے فیصلہ سیاسی انتقام قرار دے دیا
Web Desk
16 May 2026
اسلام آباد: پاکستان تحریک انصاف نے آزاد جموں و کشمیر الیکشن کمیشن کی جانب سے پی ٹی آئی آزاد کشمیر کی رجسٹریشن مسترد کرنے کے فیصلے کی شدید مذمت کرتے ہوئے اسے غیر منصفانہ، من مانا اور سیاسی بنیادوں پر کیا گیا اقدام قرار دیا ہے۔
تحریک انصاف کے اعلامیے کے مطابق الیکشن کمیشن نے تقریباً 30 ماہ کی تاخیر کے بعد ایک پریس ریلیز کے ذریعے فیصلہ جاری کیا، جبکہ پی ٹی آئی آزاد کشمیر نے عدالت کے احکامات کے تحت تمام مطلوبہ دستاویزات بروقت جمع کرا دی تھیں۔
ترجمان پی ٹی آئی کے مطابق پارٹی نے عہدیداروں کی فہرست، آڈٹ شدہ اکاؤنٹس اور دیگر قانونی تقاضے مکمل کرتے ہوئے اے جے کے الیکشن ایکٹ 2020 کے تحت نئی رجسٹریشن کی تمام شرائط پوری کیں۔
اعلامیے میں کہا گیا کہ پیپلز پارٹی، مسلم لیگ ن، جمعیت علمائے اسلام ف اور جماعت اسلامی کو فوری رجسٹرڈ کر لیا گیا جبکہ پی ٹی آئی کی درخواست ڈھائی سال تک زیر التوا رکھی گئی اور عام انتخابات سے چند ماہ قبل مسترد کر دی گئی۔
تحریک انصاف نے مؤقف اختیار کیا کہ پی ٹی آئی آزاد کشمیر خطے کی سب سے بڑی اور مقبول سیاسی قوتوں میں شامل ہے، اس لیے رجسٹریشن مسترد کرنا آزاد کشمیر کے عوام کے جمہوری حقوق اور شفاف انتخابی عمل پر براہ راست حملہ ہے۔
اعلامیے میں مزید کہا گیا کہ ایک بڑی سیاسی جماعت کو انتخابی عمل سے باہر رکھ کر آئندہ انتخابات کی ساکھ کو مشکوک بنا دیا گیا ہے اور کسی اہم سیاسی فریق کی شرکت کے بغیر ہونے والے انتخابات کی قانونی حیثیت برقرار نہیں رہ سکتی۔
پی ٹی آئی نے مطالبہ کیا کہ اس فیصلے کو فوری واپس لیا جائے اور الیکشن کمیشن مکمل غیر جانبداری کا مظاہرہ کرتے ہوئے پی ٹی آئی آزاد کشمیر کو فوری رجسٹرڈ کرے تاکہ جولائی میں حقیقی جمہوری انتخابات کا انعقاد یقینی بنایا جا سکے۔
متعلقہ عنوانات
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
بھارتی پروازوں کیلئے پاکستانی فضائی حدود کی بندش میں توسیع، نوٹم جاری
19 November 2026
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026