جنوبی وزیرستان میں لشمینیا کے 255 مریض رپورٹ، بچوں میں بڑھتے کیسز باعث تشویش

جنوبی وزیرستان لوئر کے مختلف علاقوں، بالخصوص تحصیل برمل کے دیہاتوں میں لشمینیا کی بیماری تیزی سے پھیل رہی ہے، جہاں اب تک 255 کیسز رپورٹ ہو چکے ہیں۔ ڈسٹرکٹ ہیلتھ آفیسر ڈاکٹر عدنان داوڑ کے مطابق، متاثرہ افراد میں بچوں کی بڑی تعداد شامل ہے۔ جنوری سے مارچ 2026 تک کیسز کی تعداد میں مسلسل اضافہ دیکھا گیا ہے۔ محکمہ صحت کا کہنا ہے کہ ڈی ایچ کیو ہسپتال وانا اور دیگر مراکز میں ضروری ادویات اور گلوکانٹائم انجیکشنز دستیاب ہیں اور مریضوں کا مفت علاج کیا جا رہا ہے۔ مقامی شہریوں نے پسماندہ علاقوں میں صحت کی سہولیات کی کمی پر تشویش کا اظہار کرتے ہوئے حکومت سے ہنگامی اقدامات کا مطالبہ کیا ہے۔