ملتان: نشتر ہسپتال میں منکی پاکس کا کیس رپورٹ؛ دبئی سے آنے والا 40 سالہ شخص زیرِ علاج

ملتان کے نشتر ہسپتال میں منکی پاکس کا ایک مشتبہ کیس رپورٹ ہوا ہے، جس کے بعد مریض کو فوری طور پر آئسولیشن وارڈ منتقل کر دیا گیا ہے۔ متاثرہ شخص کی عمر 40 سال ہے اور اس کا تعلق مظفرگڑھ سے بتایا جا رہا ہے۔ ابتدائی معلومات کے مطابق، مذکورہ مریض حال ہی میں دبئی سے پاکستان واپس آیا تھا، جہاں اس میں منکی پاکس جیسی علامات پائی گئیں۔ ہسپتال انتظامیہ نے مریض کے نمونے لیبارٹری ٹیسٹ کے لیے بھجوا دیے ہیں تاکہ وائرس کی حتمی تصدیق ہو سکے۔ انتظامیہ نے الرٹ جاری کرتے ہوئے تمام حفاظتی اقدامات سخت کر دیے ہیں تاکہ وائرس کے ممکنہ پھیلاؤ کو روکا جا سکے۔