پاکستانی وزیرِ دفاع کا بڑا بیان: ایران-امریکہ مذاکرات کا نیا دور جلد متوقع، مثبت پیش رفت کا دعویٰ

خواجہ آصف  نے ایران اور امریکہ کے درمیان جاری سفارتی کوششوں پر اہم بیان دیتے ہوئے کہا ہے کہ دونوں ممالک کے درمیان مذاکرات کا نیا دور جلد شروع ہونے کا امکان ہے۔

انہوں نے کہا کہ حالیہ رابطوں اور مشاورت کے بعد مجموعی طور پر اطمینان کا اظہار کیا جا رہا ہے اور مذاکرات کے حوالے سے اب تک کوئی منفی بات سامنے نہیں آئی۔ ان کے مطابق، تمام تر پیش رفت مثبت سمت میں جا رہی ہے جو خطے میں استحکام کے لیے خوش آئند ہے۔

ایک سوال کے جواب میں کہ آیا مستقبل میں خطے کے فیصلے پاکستان کرے گا، وزیر دفاع نے کہا کہ فیصلے اللہ تعالیٰ کی ذات کرتی ہے۔

بھارت سے متعلق سوال پر انہوں نے سخت ردعمل دیتے ہوئے کہا کہ بھارت میں بے چینی پائی جا رہی ہے اور وہاں کے حالات اس کا ثبوت ہیں۔

دفاعی و سفارتی ماہرین کے مطابق اگر ایران اور امریکہ کے درمیان مذاکرات بحال ہوتے ہیں تو اس کے اثرات پورے مشرق وسطیٰ اور جنوبی ایشیا پر مرتب ہوں گے، جس میں پاکستان کا کردار بھی اہم ہو سکتا ہے۔