خطے میں کشیدگی کم کرنے کی کوشش، ترک وزیر خارجہ کے ایران و مصر سے ٹیلیفونک رابطے

انقرہ: خطے میں جاری کشیدگی کے خاتمے کے لیے ترکی نے سفارتی سطح پر سرگرمیاں تیز کر دی ہیں، ترک وزیر خارجہ حاقان فیدان نے ایران اور مصر کے اپنے ہم منصبوں سے ٹیلیفونک رابطے کیے ہیں۔

میڈیا رپورٹس کے مطابق ان گفتگوؤں میں امریکا، اسرائیل اور ایران کے درمیان ممکنہ تصادم کو روکنے کے لیے اقدامات پر غور کیا گیا۔

سفارتی ذرائع کے مطابق ترک وزیر خارجہ نے یورپی خارجہ امور کے ذمہ داران اور امریکی حکام سے بھی علیحدہ علیحدہ رابطے کیے، جن میں خطے کی صورتحال اور امن کے قیام پر تبادلہ خیال کیا گیا۔

ذرائع کا کہنا ہے کہ ترکی خطے میں کشیدگی کم کرنے اور تنازع کو سفارتی ذرائع سے حل کرنے کے لیے متحرک کردار ادا کر رہا ہے۔