اسرائیل کے تہران پر متعدد فضائی حملے، درجنوں اہداف نشانہ بنانے کا دعویٰ

اسرائیلی فوج نے دعویٰ کیا ہے کہ اس نے تہران میں بڑے پیمانے پر فضائی حملے کر کے درجنوں اہداف کو نشانہ بنایا ہے۔اسرائیلی فوج کے مطابق رات بھر جاری رہنے والی کارروائی میں اسرائیلی فضائیہ نے وہ مقامات تباہ کیے جو بیلسٹک میزائلوں کے اہم پرزے تیار کرنے کے لیے استعمال ہوتے تھے۔

ان میں پاسدارانِ انقلاب کا ایک کمپلیکس بھی شامل ہے۔بیان میں دعویٰ کیا گیا ہے کہ میزائل بنانے میں استعمال ہونے والے پرزوں کا ایک ذخیرہ اور وزارتِ دفاع کا وہ مرکز بھی نشانہ بنایا گیا جو راکٹ ایندھن تیار کرنے کا ذمہ دار ہے۔

اسرائیلی فوج کےمطابق بیلسٹک میزائل کے پرزے بنانے والی ایک اور جگہ کو بھی حملے میں تباہ کیا گیا جبکہ تہران بھر میں ایران کے متعدد دفاعی نظاموں کو بھی نشانہ بنایا گیا۔