اسرائیل کا ایف 16لڑاکا طیارہ تباہ کردیا،ایران کا دعویٰ

ایران نے اسرائیل کا ایف سولہ لڑاکا طیارہ تباہ کرنے کا دعویٰ کیاہے۔ ایرانی ِمیڈیاکے مطابق پاسداران انقلاب نے اعلان کیاہے کہ اسرائیلی طیارے کو وسطی ایران میں ہفتے کی صبح تین بج کرپینتالس منٹ پرفضائی دفاعی نظام کے ذریعے نشانہ بناکر تباہ کردیاگیا۔

پاسداران انقلاب نے دعویٰ کیا ہے کہ جنگ کے پہلے تین ہفتوں میں 200 سے زائد فضائی اہداف  کی کامیاب نگرانی اور تباہی اس بات کی نشاندہی کرتی ہے کہ ایران کی فضائی حدود میں نگرانی اور دشمن کی شناخت کی صلاحیت میں نمایاں اضافہ ہوا ہے اور ملک کے فضائی دفاعی نظام مزید مضبوط ہو گئے ہیں۔