امریکا کی ایرانی خام تیل کی فروخت کی عارضی اجازت

امریکا کی سمندر میں پھنسے ایرانی خام تیل کی فروخت کی عارضی طور پر اجازت دے دی۔امریکی محکمہ خزانہ کا کہنا ہے کہ نئے لائسنس کے تحت سمندروں میں موجود جہازوں پر لوڈ تیل کی فروخت کی اجازت ہوگی اور یہ نیا لائسنس انیس اپریل تک فعال رہے گا۔

امریکی محکمہ خزانہ نے کہا کہ اس وقت سمندر میں موجود ایرانی تیل پر سے پابندیاں عارضی طور پر ہٹائی جارہی ہیں، جس سے تیل کی قیمتوں کو کم رکھنے کے لیے یہ تیل بیشتر ممالک کو فروخت کیا جا سکتا ہے۔ مختصر مدت کیلئے اس اجازت سے تقریباً چودہ کروڑ بیرل تیل عالمی منڈیوں کے لیے دستیاب ہو سکے گا۔

امریکی محکمہ خارجہ کا کہنا ہے کہ اجازت صرف اس تیل تک محدود ہے جو پہلے سے ٹرانزٹ میں ہے، نئی خریداری یا پیداوار کی اجازت نہیں ہے۔ دوسری جانب ایران کا کہنا ہے کہ پابندیاں ختم کرنے کی بات صرف خریداروں کو امید دلانے کے لیے ہے۔ عالمی منڈی میں فروخت کیلئے کوئی تیل نہیں۔ امریکی فیصلہ خام تیل کی قیمت میں کمی کے نفسیاتی حربے کے سوا کچھ نہیں۔