ایران کا امریکی وبرطانوی مشترکہ فوجی اڈے پر حملہ، تل ابیب میں بھی میزائل داغے

ایران نے امریکی و برطانوی مشترکہ فوجی اڈے پر میزائل حملہ کردیا۔ اسرائیل پر بھی میزائل داغ دیئے۔ تل ابیب کے25 مقامات کو نشانہ بنایا۔

امریکی اخبار کے مطابق ایران نے ڈیگو گارشیا بیس کو بیلسٹک میزائلوں سے نشانہ بنایا گیا، ایران نے 2 درمیانے فاصلے تک مار کرنے والے میزائل فائر کیے۔ لیکن کوئی میزائل ہدف کو نشانہ نہ بناسکا۔ ایک میزائل دوران پرواز گرا جبکہ امریکی بحری جہاز نے دوسرے میزائل کو روکا۔

ایران نے اسرائیل پر میزائل حملوں کی 67 ویں لہر میں حیفہ اورتل ابیب کے پچیس مقامات کو نشانہ بنایا، پاسداران انقلاب نے بتایا کہ اسرائیلی شہروں پر خرم شہر اور غدر ملٹی وار ہیڈ میزائل سے حملہ کیا ہے۔

ایران نے خبردار کیا ہے کہ ایرانی جزیروں پر دوبارہ حملہ ہوا تو یو اے ای کے راس الخیمہ کو نشانہ بنائیں گے۔ ادھر عراق میں امریکی اڈے پر حملہ کیا گیا۔ روسی میڈیا کے مطابق عراق میں امریکی اڈے پر حملے کے بعد آگ بھڑک اٹھی۔