اسلام آباد ہائی کورٹ کے احکامات پر بانی پی ٹی آئی کا میڈیکل چیک اپ شروع

اسلام آباد: ہائی کورٹ کے احکامات پر بانی پاکستان تحریک انصاف (پی ٹی آئی) کا میڈیکل چیک اپ عمل میں لایا گیا ہے۔ چیف کمشنر کی ہدایت پر نیا میڈیکل بورڈ تشکیل دیا گیا، جو جیل انتظامیہ کے زیر نگرانی بانی پی ٹی آئی کا تفصیلی طبی معائنہ کر رہا ہے۔

میڈیکل چیک اپ کے دوران ماہر ڈاکٹرز کی ٹیم موجود ہے اور تمام ضروری طبی آلات و سہولیات فراہم کی گئی ہیں۔ بانی پی ٹی آئی کا معائنہ اہلیہ بشریٰ بی بی کی موجودگی میں کیا جا رہا ہے۔

میڈیکل بورڈ کی جانب سے مکمل رپورٹ جلد چیف کمشنر کو پیش کی جائے گی تاکہ ہائی کورٹ کی ہدایات کے مطابق ضروری اقدامات کیے جا سکیں۔