امریکی سرزمین کو ایرانی ڈرونز سے کوئی خطرہ نہیں، ترجمان وائٹ ہاؤس

وائٹ ہاؤس کی پریس سیکریٹری کیرولین لیویٹ نے کہا ہے کہ امریکی سر زمین کو ایرانی ڈرونز سے کوئی خطرہ نہیں ہے۔یہ بیان اے بی سی نیوز کی اس خبر کے بعد سامنے آیا ہے جس میں کہا گیا تھا کہ ایف بی آئی نے کیلیفورنیا پولیس ڈیپارٹمنٹس کو ایران کے ممکنہ جوابی حملوں سے خبردار کیا ہے۔ خبر میں کہاگیاتھا کہ امریکی حملوں کے جواب میں ایران امریکہ کے مغربی ساحل کے قریب کسی بحری جہاز سے ڈرون حملےکر سکتا ہے۔

لیویٹ نے سوشل میڈیا پلیٹ فارم  پر لکھا کہ ممکنہ حملے کے حوالے سے خبر ایک ای میل کی بنیاد پردی گئی تھی  جو کیلیفورنیا میں قانون نافذ کرنے والے ایک مقامی ادارے کو بھیجی گئی تھی۔ اور یہ ای میل غیر مصدقہ اطلاع پر مبنی تھی۔انہوں نے مزید لکھاکہ واضح رہے کہ ہماری سر زمین کو ایران سے کوئی خطرہ نہ اب ہے نہ پہلے کبھی تھا۔