عالمی منڈی میں خام تیل کی فی بیرل قیمت 116 ڈالر سے تجاوز کر گئی

مشرقِ وسطیٰ میں بڑھتی کشیدگی کے باعث عالمی منڈی میں خام تیل کی قیمتیں بلند ترین سطح پر پہنچ گئیں۔ رپورٹس کے مطابق مشرق وسطیٰ میں جاری جنگ اور امریکا کی آبنائے ہرمز کھولنے میں ناکامی کے بعد عالمی منڈی میں خام تیل کی فی بیرل قیمت 114 ڈالر سے تجاوز کر گئی۔ برینٹ خام تیل کی قیمت 23 فیصد اضافے کے بعد 114.36 ڈالر فی بیرل تک پہنچ گئی جبکہ امریکی خام تیل 27 فیصد اضافے کے ساتھ 115.11 ڈالر فی بیرل ہو گیا۔ ماہرین کا کہنا ہے کہ اگر مشرق وسطیٰ میں جنگ طویل ہوئی تو تیل کی قیمت 120 ڈالر فی بیرل تک جا سکتی ہے۔