ایرانی حملوں میں 13 اسرائیلی ہلاک، 1,929 زخمی: اعداد و شمار جاری

اسرائیلی وزارت صحت کے مطابق گزشتہ ہفتے سے جاری ایرانی حملوں کے نتیجے میں اب تک کم از کم 13 اسرائیلی ہلاک جبکہ 1,929 افراد زخمی ہو چکے ہیں۔

وزارت صحت کی جانب سے جاری بیان میں کہا گیا ہے کہ صرف گزشتہ 24 گھنٹوں کے دوران 157 افراد زخمی ہوئے۔ اس وقت 112 زخمی افراد مختلف ہسپتالوں میں زیر علاج ہیں جن میں سے 9 کی حالت تشویشناک بتائی جا رہی ہے۔

اسرائیلی وزارت صحت نے شہریوں سے اپیل کی ہے کہ وہ حملوں کے دوران بم شیلٹرز کی طرف احتیاط سے جائیں کیونکہ بعض افراد شیلٹرز کی طرف جلدی میں بھاگتے ہوئے بھی زخمی ہوئے ہیں