ایران کی مسلح افواج نے نئے سپریم لیڈر مجتبیٰ خامنہ ای سے وفاداری کا عہد کر لیا

ایران کے سرکاری میڈیا کے مطابق ملک کی مسلح افواج نے نئے سپریم لیڈر، مجتبیٰ خامنہ ای، سے مکمل وفاداری کا عہد کر لیا ہے۔ پاسدارانِ انقلاب نے واضح کیا ہے کہ وہ نئے سپریم لیڈر کی قیادت اور ہدایات پر عمل درآمد کے لیے تیار ہیں۔

دوسری جانب ایرانی پارلیمنٹ کے اسپیکر نے مجتبیٰ خامنہ ای کے انتخاب کو خوش آئند قرار دیتے ہوئے کہا ہے کہ نئے رہنما کی پیروی کرنا ہر فرد کے لیے مذہبی اور قومی فریضہ ہے۔

واضح رہے کہ آیت اللہ خامنہ ای کے بیٹے، مجتبیٰ خامنہ ای، کو ایران کی مجلس خبرگان نے نیا سپریم لیڈر منتخب کیا ہے اور پارلیمنٹ نے قوم سے اتحاد اور یکجہتی برقرار رکھنے کی اپیل کی ہے۔