مشرقِ وسطیٰ میں کشیدگی کے باوجود کراچی پورٹ پر تیسرا ٹرانس شپمنٹ جہاز لنگر انداز

کراچی: علاقائی بحری رکاوٹوں کے دوران کراچی پورٹ پر تیسرا ٹرانس شپمنٹ جہاز لنگر انداز ہو گیا ہے۔
سی جی ایل اے کا جہاز ایم وی فوٹان کراچی انٹرنیشنل کنٹینر ٹرمینل پر پہنچ کر اپنی جگہ سنبھال چکا ہے۔

ایم وی فوٹان نے مشرقِ وسطیٰ کی بندرگاہوں کے لیے ترسیلی کارگو فراہم کیا ہے۔ یہ جہاز حال ہی میں کراچی پورٹ پر آنے والا تیسرا ٹرانس شپمنٹ جہاز ہے۔

کے پی ٹی حکام کے مطابق، علاقائی کشیدگی کے باوجود کراچی پورٹ مکمل طور پر فعال ہے اور عالمی شپنگ لائنز کی معاونت جاری رکھے ہوئے ہے۔