ڈیزل مہنگا، پاکستان ریلویز نے ٹرین کرایوں میں اضافے کا اعلان کر دیا

ڈیزل کی قیمتوں میں 20 فیصد اضافے کے بعد پاکستان ریلویز نے ٹرینوں کے کرایوں میں اضافہ کرنے کا فیصلہ کر لیا ہے۔

ترجمان پاکستان ریلویز کے مطابق اکانومی کلاس کے کرایوں میں 5 فیصد جبکہ اے سی کلاسز کے کرایوں میں 10 فیصد اضافہ کیا گیا ہے۔ترجمان کا کہنا ہے کہ مسافر ٹرینوں کے آپریشنل اخراجات کا اضافی بوجھ پاکستان ریلویز خود برداشت کرے گا، تاہم بڑھتے ہوئے اخراجات کے باعث کرایوں میں اضافہ ناگزیر تھا۔پاکستان ریلویز نے مال گاڑیوں کے کرایوں میں 20 فیصد اضافہ کرنے کا بھی اعلان کیا ہے۔ترجمان کے مطابق کرایوں میں اضافے کا اطلاق 9 مارچ سے تمام مسافر ٹرینوں اور مال گاڑیوں پر ہوگا، تاہم اس فیصلے کا اطلاق پہلے سے کی گئی بکنگ پر نہیں ہوگا۔ترجمان کا مزید کہنا ہے کہ ڈیزل کی قیمتوں میں نمایاں اضافے کے بعد ٹرین کرایوں میں اضافہ کرنا ضروری ہو گیا تھا۔