قطر سول ایوی ایشن کی عارضی اجازت، قطر ایئرویز کی ریلیف پروازیں چلانے کا اعلان

قطر سول ایوی ایشن اتھارٹی نے محدود پیمانے پر پروازوں کے لیے عارضی اجازت دے دی ہے، جس کے بعد قطر ایئرویز نے ریلیف پروازیں چلانے کا اعلان کیا ہے۔

قطر ایئرویز کے مطابق 7 مارچ کو خصوصی ریلیف پروازیں چلانے کا منصوبہ بنایا گیا ہے۔ یہ پروازیں دوحہ کے حماد انٹرنیشنل ایئرپورٹ سے لندن، پیرس، میڈرڈ اور روم کے لیے روانہ ہوں گی۔ایئرلائن کے مطابق ان پروازوں میں بزرگ مسافروں، فوری طبی ضرورت رکھنے والے افراد اور ہمدردانہ بنیادوں پر سفر کرنے والے مسافروں کو ترجیح دی جائے گی۔قطر ایئرویز کا کہنا ہے کہ صورتحال کے مطابق مزید پروازوں کے بارے میں بھی فیصلے کیے جا سکتے ہیں۔