مٹی کا تیل اور لائٹ ڈیزل کی قیمتوں میں اضافہ، پٹرول و ڈیزل کے بعد تیل کی قیمتیں بھی بڑھیں

حکومت نے مٹی کے تیل اور لائٹ ڈیزل کی قیمتوں میں اضافہ کر دیا ہے۔ نوٹیفکیشن کے مطابق مٹی کے تیل کی قیمت 130 روپے 8 پیسے فی لٹر بڑھا کر 318 روپے 81 پیسے فی لٹر مقرر کی گئی ہے۔

اسی طرح لائٹ ڈیزل کی قیمت میں 67 روپے 82 پیسے کا اضافہ کیا گیا اور نئی قیمت 235 روپے 1 پیسے فی لٹر مقرر کی گئی ہے۔ مٹی کے تیل پر فی لٹر 20 روپے 36 پیسے پٹرولیم لیوی جبکہ لائٹ ڈیزل پر 15 روپے 84 پیسے فی لٹر لیوی عائد ہے۔

حکومت نے گزشتہ رات بھی پٹرول اور ڈیزل کی قیمتوں میں 55 روپے فی لٹر اضافہ کیا تھا، جس کے بعد صارفین کی مشکلات میں مزید اضافہ ہو گیا ہے۔ ماہرین کے مطابق عالمی تیل کی قیمتوں اور ملکی اقتصادی حالات اس اضافے کی بڑی وجوہات ہیں۔