امریکامیں پیٹرول کی قیمتیں ڈیڑھ سال کی بلند ترین سطح پر

ایران کےخلاف جنگ کے آغاز کے بعد امریکا میں پیٹرول کی قیمتیں ڈیڑھ سال کی بلند ترین سطح پر پہنچ گئیں۔

امریکی اخبار نیویارک ٹائمزکے مطابق امریکا میں پیٹرول کی اوسط قیمت 7 سینٹ اضافے کے ساتھ 3.32 ڈالر فی گیلن تک پہنچ گئی۔ یہ قیمت ستمبر 2024 کے بعد بلند ترین سطح ہے۔ حالیہ اضافے کے بعد پیٹرول کی قیمتیں اب اس سطح سے بھی زیادہ ہو گئی ہیں جو صدر ڈونلڈ ٹرمپ کی موجودہ مدت کے آغاز پر تھیں۔

گزشتہ ایک ہفتے کے دوران امریکا میں پیٹرول کی قیمت میں 34 سینٹ یعنی تقریباً 11 فیصد اضافہ ہوا ہے۔امریکامیں  ڈیزل کی قیمت میں اس سے بھی زیادہ تیزی دیکھی گئی۔جہاں ڈیزل کی اوسط قیمت 4.33 ڈالر فی گیلن تک پہنچ گئی ہے جو نومبر 2023 کے بعد بلند ترین سطح ہے۔ اس اضافے سے اشیا کی ترسیل کی لاگت بڑھنے کا خدشہ ہے۔