7100 ارب کی ٹیکس چوری روکنے کا منصوبہ: یکم جولائی سے صرف رجسٹرڈ ٹرکوں کو سامان کی ترسیل کی اجازت

فیڈرل بورڈ آف ریونیو (FBR) نے ملک میں سیلز ٹیکس اور کسٹم ڈیوٹی کی چوری روکنے کے لیے ایک انقلابی “کارگو ٹریکنگ سسٹم” متعارف کرانے کا فیصلہ کیا ہے۔ اس نئے نظام کے تحت، یکم جولائی سے ملک بھر کی تمام فیکٹریاں اور کارخانے صرف ایف بی آر سے رجسٹرڈ ٹرکوں میں ہی سامان لوڈ کر سکیں گے۔ آئی ایم ایف (IMF) کے ساتھ اقتصادی جائزے کے چوتھے روز ہونے والی بریفنگ میں حکام نے بتایا کہ جولائی تا فروری ٹیکس کا شارٹ فال 429 ارب روپے تک پہنچ چکا ہے، جسے پورا کرنے کے لیے یہ سخت اقدامات ناگزیر ہیں۔ نئے نظام میں ای-بلٹی (E-Bilty)، بار کوڈ، جی پی آر ایس (GPRS) اور آر ایف آئی ڈی (RFID) ٹیکنالوجی کا استعمال کیا جائے گا تاکہ ہر ٹرک کی نقل و حرکت اور مال کی مقدار کی مکمل ٹریکنگ کی جا سکے۔ غیر رجسٹرڈ ٹرکوں کو سڑکوں پر آنے پر بھاری جرمانوں کا سامنا کرنا پڑے گا۔