ایران کےخلاف تمام ضروری اقدامات کا حق ہے، خلیجی ممالک کے وزرائے خارجہ کا اعلان

خلیج تعاون کونسل اور یورپی یونین کے رکن ممالک کے وزرائے خارجہ نے مشرقِ وسطیٰ میں کشیدگی اور خطے کے ممالک پر ایرانی حملوں کے حوالے سے  ہنگامی اجلاس منعقد کیا۔

ویڈیو کانفرنس کے ذریعے منعقدہ اجلاس کے بعد مشترکہ بیان میں وزرائے خارجہ نے خلیج تعاون کونسل کے ممالک پر ایران کے حملوں کی مذمت کی اور انہیں فوری طور پر روکنے کا مطالبہ کیا۔

وزرائے خارجہ کاکہناتھاکہ  خلیج تعاون کونسل کے ممالک کو اپنی سلامتی اور استحکام کے دفاع کے لیے تمام ضروری اقدامات کرنے کا حق حاصل ہے۔

بیان میں اس بات پر بھی زور دیا گیا کہ ایران کو اپنے جوہری پروگرام اور بیلسٹک میزائل پروگرام کو محدود کرنا چاہیے اور خطے ،یورپ میں عدم استحکام پیدا کرنے والی سرگرمیوں سے باز آنا چاہیے اور اپنے عوام کے خلاف تشدد کو بھی روکنا چاہیے۔