سینیٹ نے نیب ترمیمی بل 2026 منظور کر لیا، چیئرمین کی مدت ملازمت اور اپیلوں میں اصلاحات شامل

سینیٹ نے نیب ترمیمی بل 2026 متفقہ طور پر منظور کر لیا، جسے سینیٹر عبد القادر نے پیش کیا۔ بل میں احتساب قوانین میں مزید وضاحت اور طریقہ کار بہتر بنانے کے لیے متعدد ترامیم شامل کی گئی ہیں۔

اہم نکات درج ذیل ہیں:

نیب چیئرمین کی مدت ملازمت تین سال سے بڑھانے کی تجویز شامل، اور وفاقی حکومت کو مزید تین سال توسیع دینے کا اختیار حاصل ہو گیا۔احتساب عدالتوں کے دائرہ اختیار میں اپیلوں کو شامل کرنے کی تجاویز بل کا حصہ ہیں۔نیب مقدمات میں مالی حد ہر سال مہنگائی کے مطابق ایڈجسٹ کی جا سکے گی، جس کا تعین پاکستان بیورو آف اسٹیٹسٹکس کے انفلیشن انڈیکس کے مطابق ہوگا۔احتساب عدالت اور ہائی کورٹ کو ملزم کی ضمانت دینے کا واضح اختیار حاصل ہو گا، فوجداری ضابطہ کی متعلقہ دفعات کے تحت ضمانت یا رہائی ممکن ہو سکے گی۔نیب کیسز میں ہائی کورٹ کے فیصلوں کے خلاف دوسری اپیل دائر کرنے کی اجازت دی گئی ہے۔ہائی کورٹ کے فیصلے کے خلاف وفاقی آئینی عدالت میں بھی دوسری اپیل دائر کی جا سکے گی، جس کے لیے تیس دن کی مدت مقرر کی جا سکتی ہے۔اس ترمیمی بل کا مقصد نیب کی کارروائیوں میں شفافیت، قانونی طریقہ کار میں بہتری اور اپیل کے عمل کو آسان بنانا بتایا گیا ہے۔