آبنائے ہرمز کی بندش، عالمی منڈی میں تیل 150 ڈالر فی بیرل تک پہنچ سکتا ہے: ماہرین

مشرقِ وسطیٰ میں بڑھتی ہوئی کشیدگی کے باعث توانائی کے ماہرین نے عالمی معیشت کے لیے خطرے کی گھنٹی بجا دی ہے۔ ماہرین کے مطابق اگر آبنائے ہرمز سے تیل کی سپلائی متاثر ہوئی تو عالمی منڈی میں خام تیل کی قیمت 150 ڈالر فی بیرل تک پہنچ سکتی ہے۔

توانائی کے معروف ماہر ایڈ ہرس نے ‘الجزیرہ’ سے گفتگو کرتے ہوئے کہا کہ امریکا اور اسرائیل کی ایران کے خلاف فوجی کارروائیوں کے نتیجے میں سپلائی چین متاثر ہونے کا خدشہ ہے۔ انہوں نے خبردار کیا کہ اگر آبنائے ہرمز سے گزرنے والے تیل کا صرف آدھا حصہ بھی رک گیا تو قیمتوں میں ناقابلِ یقین اضافہ ہوگا۔