توانائی کے بحران کا توڑ: سعودی عرب کا پاکستان کو بندرگاہ یانبو کے ذریعے متبادل سپلائی روٹ کی فراہمی کا اعلان

وفاقی وزیر برائے پیٹرولیم علی پرویز ملک نے سعودی سفیر نواف سعید المالکی سے اہم ملاقات کی، جس میں آبنائے ہرمز میں کشیدگی کے باعث پاکستان کی تیل کی سپلائی کو لاحق خطرات پر تبادلہ خیال کیا گیا۔ ملاقات میں سعودی عرب نے بحیرہ احمر (Red Sea) پر واقع اپنی اہم ترین بندرگاہ “یانبو” کے ذریعے پاکستان کو تیل کی بلا تعطل فراہمی کی یقین دہانی کرائی ہے۔

وزیر پیٹرولیم نے بتایا کہ پاکستان سے ایک خصوصی بحری جہاز جلد خام تیل لینے کے لیے بندرگاہ یانبو روانہ ہو جائے گا۔ انہوں نے سعودی حکومت کا شکریہ ادا کرتے ہوئے کہا کہ اس مشکل گھڑی میں سعودی عرب کی حمایت پاکستان کے لیے ریڑھ کی ہڈی کی حیثیت رکھتی ہے۔ سعودی سفیر نے اپنے بیان میں واضح کیا کہ “پاکستان اور سعودی عرب ہر آزمائش میں ایک دوسرے کے ساتھ کھڑے رہیں گے” اور کسی بھی ہنگامی صورتحال میں بھرپور تعاون جاری رکھا جائے گا۔