آیت اللہ خامنہ ای کی شہادت عالمی قوانین کا قتل ہے: سینیٹر علی ظفر کا سینیٹ میں خطاب

سینیٹ کے اہم اجلاس میں پاکستان تحریکِ انصاف (پی ٹی آئی) کے سینیٹر علی ظفر نے ایران میں ہونے والے حملوں کی شدید مذمت کرتے ہوئے اسے “ریجیم چینج” کی کوشش قرار دیا ہے۔ انہوں نے کہا کہ آیت اللہ خامنہ ای کو ان کے گھر میں شہید کرنا اور بے گناہ شہریوں کو نشانہ بنانا بین الاقوامی اخلاقیات کے منافی ہے۔ علی ظفر نے امریکی کانگریس کی رپورٹ کا حوالہ دیتے ہوئے کہا کہ خود امریکہ کے پاس بھی اس حملے کا کوئی قانونی جواز نہیں تھا۔ انہوں نے مطالبہ کیا کہ سیکورٹی ایجنسیز سینیٹ کو “ان کیمرہ” بریفنگ دیں تاکہ قوم کو اصل صورتحال سے آگاہ کیا جا سکے۔