پنجاب میں زرعی انقلاب کی دستک: 5 لاکھ ٹن آلو کی برآمد کے آرڈرز، ٹریکٹر پر 15 لاکھ سبسڈی کا اعلان

وزیراعلیٰ پنجاب مریم نواز کی زیرِ صدارت اجلاس میں صوبے کے زرعی شعبے کے لیے تاریخی فیصلوں کی منظوری دی گئی ہے۔ پنجاب کو عالمی منڈی سے 5 لاکھ ٹن آلو کی برآمد کے آرڈرز موصول ہوئے ہیں جس سے کاشتکاروں کو بہترین قیمت ملے گی۔ وزیراعلیٰ نے گرین ٹریکٹر پروگرام کے تحت بڑے ٹریکٹر پر 15 لاکھ روپے سبسڈی دینے اور زرعی گریجویٹس کا وظیفہ بڑھا کر 70 ہزار روپے کرنے کا اعلان کیا ہے۔ اجلاس میں بتایا گیا کہ رواں سیزن 2 کروڑ 23 لاکھ میٹرک ٹن گندم کی پیداوار متوقع ہے، جبکہ بنجر زمینوں کی آبادکاری اور ٹیوب ویلز کی سولرائزیشن پر کام تیزی سے جاری ہے۔