روز ویلٹ ہوٹل کی بحالی کیلئے پاکستان اور امریکا کے درمیان مفاہمت کی یادداشت پر دستخط

امریکی شہر نیویارک میں روز ویلٹ ہوٹل کی بحالی کےلیے پاکستان اور امریکاکے درمیان مفاہمت کی یادداشت پر دستخط ہوگئے۔ وزارت خزانہ کے مطابق وزیرخزانہ محمد اورنگزیب اور امریکا کی طرف سے ایڈمنسٹریٹر ایڈورڈ سی فورسٹ نےایم اویوپر دستخط کیے۔اس موقع پر وزیراعظم شہبازشریف اور امریکی نمائندہ خصوصی اسٹیووٹکوف بھی موجود تھے۔

وزارت خزانہ کا کہنا ہے کہ روزویلٹ ہوٹل کی تجدید اور ترقی کے لیے پاک امریکا اقتصادی تعاون کا آغاز ہوگیا ہے۔ہوٹل کے آپریشن اورترقی کےلیےجامع فریم ورک طے ہوگیا ہے۔ روزویلٹ ہوٹل منصوبہ پاک امریکا اقتصادی تعلقات میں نئی پیشرفت کا باعث ہوگا۔

وزارت خزانہ کے مطابق روزویلٹ ہوٹل کی اپ گریڈیشن پرپاک امریکا شفاف تعاون طے پایا، ایم اویوسےاس  منصوبے میں تکنیکی وتجارتی ہم آہنگی ممکن ہوگی۔