پبلک پرائیویٹ پارٹنرشپ پالیسی بورڈ اجلاس،سندھ میں عوامی و نجی شعبے کے متعدد منصوبوں کی منظوری

وزیراعلیٰ سندھ سید مراد علی شاہ کی زیر صدارت پبلک پرائیویٹ پارٹنرشپ (PPP) پالیسی بورڈ کا 50 واں اجلاس ہوا، جس میں صوبائی وزراء، مشیروں، معاونین اور اعلیٰ حکام نے شرکت کی۔ اجلاس میں تعلیم، ٹرانسپورٹ، جنگلاتی سیاحت، صنعتی ترقی اور دیگر شعبوں کے متعدد منصوبوں کی منظوری دی گئی۔

ڈرائیور ٹریننگ منصوبہ

سندھ بھر میں ایچ ٹی وی اور ایل ٹی وی ڈرائیور ٹریننگ اسکول قائم کیے جائیں گے۔موٹر وہیکلز ترمیمی ایکٹ 2025ء کے تحت پری لائسنس ٹریننگ لازمی ہوگی۔سندھ کے نوجوانوں کو عالمی معیار کی تربیت دے کر بیرونِ ملک روزگار کے مواقع فراہم کیے جائیں گے۔پانچ سال میں ایک لاکھ ڈرائیورز کو تربیت اور لائسنس جاری کرنے کا ہدف رکھا گیا۔کراچی، دادو، سکھر، نوشہرو فیروز اور دیگر مقامات پر بڑے ٹریننگ مراکز قائم کیے جائیں گے۔

تعلیم کے شعبے میں اصلاحات

سندھ سیکنڈری ایجوکیشن امپروومنٹ پراجیکٹ (SEIP) کے تحت ای ایم او ماڈل اپنانے کی منظوری۔40 نئے ثانوی اسکول نجی شراکت داروں کے ذریعے چلائے جائیں گے۔گرلز اسکولوں میں آف گرڈ شمسی توانائی اور واش سہولیات فراہم کی جائیں گی۔ابتدائی بچپن کی تعلیم کے لیے 300 ماڈل اسکولوں میں مراکز قائم کیے جائیں گے، سالانہ 24 ہزار طلبہ کو سہولت فراہم ہوگی۔

جنگلاتی سیاحت (ایکو ٹورازم)

6,010 ایکڑ جنگلاتی علاقوں میں ماحولیاتی سیاحت منصوبے کی منظوری، کراچی کے قریب مینگروز جنگلات بھی شامل۔منصوبے میں واکنگ ٹریک، سفاری، کشتی رانی، برڈ واچنگ، بی بی کیو ایریاز، پارکنگ اور ویسٹ مینجمنٹ کی سہولیات شامل۔منصوبے کے لیے 25 کروڑ روپے کی فنڈنگ منظور، مقامی روزگار کے مواقع پیدا ہوں گے۔

ماربل سٹی کراچی

صنعتی ترقی کے لیے 300 ایکڑ پر ماربل اور گرینائٹ کا مرکز قائم کیا جا رہا ہے۔اپریل 2025ء سے تعمیراتی مرحلے میں داخل، دو سال میں مکمل کرنے کا ہدف۔پانی کی فراہمی کے معاملات حل کرنے اور نجی شعبے کے تعاون سے معیاری انفراسٹرکچر فراہم کرنے کا عزم۔

دیگر فیصلے

ثانوی تعلیم، خصوصی ڈرائیور ٹریننگ اور جنگلاتی سیاحت میں PPP ماڈل کو وسعت دینا۔ٹرانسپورٹ شعبے میں سندھ حکومت کا نیا تربیتی منصوبہ، عالمی سطح پر بڑھتی ڈرائیورز کی طلب کو مدنظر رکھا گیا۔