پنجاب کے تاجروں کی درخواست منظور، 24 گھنٹے کاروبار کرنے کی اجازت مل گئی

 پنجاب کی تاجر برادری کی درخواست منظور کر لی گئی۔

وزیراعلیٰ پنجاب مریم نواز نے رمضان المبارک کے دوران رات 10 بجے دکانیں بند کرنے کے اوقات کار سے استثنیٰ دے دیا ہے۔ اس حوالے سے باقاعدہ منظوری کے بعد نوٹیفکیشن بھی جاری کر دیا گیا ہے۔حکومتی فیصلے کے مطابق اب رمضان میں دکانیں رات 10 بجے بند کرنے کی پابندی نہیں ہوگی اور صوبہ بھر میں کاروباری سرگرمیاں 24 گھنٹے جاری رکھی جا سکیں گی۔صوبے کے تمام کمشنرز، ڈپٹی کمشنرز اور متعلقہ محکموں کو فیصلے پر عملدرآمد کے لیے ہدایات جاری کر دی گئی ہیں۔تاجر تنظیموں نے اس فیصلے کو خوش آئند قرار دیتے ہوئے کہا ہے کہ رمضان میں خریداروں کی سہولت اور کاروباری سرگرمیوں کے فروغ کے لیے یہ اقدام اہم ثابت ہوگا۔