کراچی: رمضان کے لیے کھجوریں مہنگی، قیمتیں 2 ہزار فیصد تک بڑھ گئیں

کراچی: رمضان المبارک کی آمد کے پیشِ نظر کھجور کی قیمتوں میں ریکارڈ اضافہ دیکھنے میں آیا ہے۔ ایران سے درآمد شدہ کھجور کی قیمتیں 2 ہزار فیصد تک بڑھ گئی ہیں۔

کھجور مرچنٹس ایسوسی ایشن کے مطابق رواں سال رمضان میں کھجور کی فروخت میں 25 فیصد کمی کے خدشات ہیں۔ فی من قیمتیں 5 سے 8 ہزار روپے تک پہنچ گئی ہیں، جبکہ کچھ اعلیٰ معیار کی کھجور جو پہلے 15 ہزار روپے فی من میں دستیاب تھی، اب 23 ہزار روپے تک پہنچ گئی ہے۔

کے ایم اے کے مطابق قیمتوں میں اضافہ بھاری کسٹمز ڈیوٹیز، مہنگی ٹرانسپورٹ، ایران-امریکا کشیدگی اور مقامی فصل کی سیلاب سے متاثر ہونے جیسے عوامل کی وجہ سے ہوا ہے۔

کھجور مرچنٹس ایسوسی ایشن نے مزید کہا کہ بلوچستان کی اعلیٰ کوالٹی کھجور ایکسپورٹ کر دی جاتی ہے اور شہریوں کی قوتِ خرید میں نمایاں کمی واقع ہوئی ہے، جس سے مقامی مارکیٹ میں قیمتوں کا دباؤ بڑھ گیا ہے۔