رواں سال شہریوں نے 328 ارب روپے کی گاڑیاں قرض پر لے لیں

اسٹیٹ بینک آف پاکستان کے جاری کردہ اعداد و شمار کے مطابق رواں سال جنوری میں گاڑی خریدنے کے قرضوں میں نمایاں اضافہ ریکارڈ کیا گیا ہے۔

مرکزی بینک کے مطابق جنوری 2026ء میں گاڑیوں کے قرضوں کا مجموعی حجم بڑھ کر 328 ارب روپے تک پہنچ گیا، جو گزشتہ سال جنوری کے مقابلے میں 35.8 فیصد زیادہ ہے۔

اعداد و شمار کے مطابق جنوری 2025ء میں گاڑیوں کے قرضے 242 ارب روپے تھے۔ اسی طرح ماہانہ بنیادوں پر بھی قرضوں میں 2.8 فیصد اضافہ دیکھا گیا۔

رپورٹ کے مطابق دسمبر 2025ء میں گاڑیوں کے قرضوں کا حجم 319 ارب روپے تھا، جو جنوری میں بڑھ کر 328 ارب روپے ہوگیا۔