ٹرمپ خاندان سے وابستہ کرپٹو کمپنی نے 16 ماہ میں اربوں ڈالر کمالیے

صدر ڈونلڈ ٹرمپ کے دوبارہ اقتدار میں آنے کے بعد ان کے خاندان سے جڑی کرپٹو کرنسی کمپنی ورلڈ لبرٹی فنانشل نے 16 ماہ کے دوران اربوں ڈالر کی کمائی کر کے سماجی حلقوں میں ہلچل مچا دی ہے۔

امریکی میڈیا کے مطابق کمپنی کی قیادت ٹرمپ کے قریبی ساتھی اسٹیو وٹکوف کے بیٹے زیک وٹکوف کر رہے ہیں۔ زیک وٹکوف نے اب تک ٹرمپ اور وٹکوف خاندانوں کو کم از کم 1.4 ارب ڈالر ادا کیے، جن میں 1.2 ارب ڈالر صرف ٹرمپ خاندان کے حصے میں آئے ہیں۔

اخبار کی رپورٹ کے مطابق، 2.25 ارب ڈالر کے پیپر گینز اس کے علاوہ ہیں، اور یہ رقم صدر ٹرمپ کی 2010 سے 2017 تک کی ریئل اسٹیٹ اور گالف امپائر کی کمائی کے برابر ہے۔ وٹکوف خاندان نے کمپنی سے اب تک 20 کروڑ ڈالر کمائے ہیں۔