موڈیز نے پاکستان کے بینکنگ سیکٹر کا آؤٹ لک مثبت سے مستحکم کر دیا

اسلام آباد: بین الاقوامی کریڈٹ ریٹنگ ایجنسی موڈیز نے پاکستان کے بینکنگ سیکٹر کا آؤٹ لک مثبت سے مستحکم کر دیا ہے۔ موڈیز کی رپورٹ کے مطابق پاکستان کے معاشی حالات میں بتدریج بہتری آ رہی ہے، تاہم معاشی بحالی کی رفتار ابھی بھی سست ہے۔

موڈیز نے پیش گوئی کی ہے کہ آئندہ 12 سے 18 ماہ میں بینکوں کی کارکردگی مستحکم رہے گی، تاہم پاکستان میں بلند شرح سود اور کریڈٹ رسک کا دباؤ برقرار ہے۔ رپورٹ میں کہا گیا ہے کہ حکومتی مالی مشکلات بینکنگ سیکٹر کے لیے بڑا چیلنج ہیں۔

موڈیز نے 2026 میں پاکستان کی جی ڈی پی نمو 3.5 فیصد رہنے کا اندازہ لگایا، جبکہ بیرونی فنانسنگ اور مہنگائی سے متعلق خدشات بدستور موجود ہیں۔ رپورٹ میں یہ بھی واضح کیا گیا کہ پالیسی پر عملدرآمد کے خطرات آؤٹ لک پر اثر انداز ہو سکتے ہیں۔