خواتین کے تنگ لباس پر نادیہ خان کا بہروز سبزواری کو طنز

پاکستان کی معروف میزبان اور اداکارہ نادیہ خان نے سینئر اداکار بہروز سبزواری کے خواتین کے لباس کے متعلق دیے گئے ماضی کے بیان پر طنزیہ انداز میں تبصرہ کر کے توجہ حاصل کر لی۔

شو کے دوران اداکارہ عتیقہ اوڈھو نے ایک ڈرامے میں صبا قمر کے کردار اور لباس کی تعریف کی، جس پر نادیہ خان کے لباس کی بھی تعریف کی گئی اور کہا گیا کہ ملبوسات قدرے زیادہ فٹ ہونے چاہئیں۔

نادیہ خان نے ہنستے ہوئے کہا کہ ایسے چُست کپڑے بہروز سبزواری کو پسند نہیں، اس لیے انہوں نے احتیاط کی تاکہ کسی کو ناراضی نہ ہو۔ ان کا یہ طنزیہ تبصرہ دراصل بہروز سبزواری کے انٹرویو کی جانب اشارہ تھا، جس میں انہوں نے خواتین کے تنگ لباس پر ناپسندیدگی کا اظہار کیا تھا۔

سوشل میڈیا پر نادیہ خان کے طنزیہ تبصرے نے صارفین کی دلچسپی حاصل کی اور دونوں فنکاروں کے بیانات پر بحث کو فروغ دیا۔